Hótel í Seðlabankann

Eins frábært og tónlistarhúsið Harpa er, þá byrgir það fyrir Esjuna, sem eru ákveðin skipulagsmistök. Nú er það ein af rekstrarforsendum Hörpunnar að þar rísi stórt hótel en fleiri stórar byggingar myndu minnka fjallasýn úr miðbænum enn frekar. Ef krónan verður lögð niður getum við nýtt húsnæði Seðlabankans sem 5 stjörnu hótel: Spennandi fyrir túrista að gista í sögufrægri byggingu (lúxussvítur í skrifstofu Seðlabankastjóra og peningahvelfingunni) og fjallasýnin vernduð. Allir vinna!

Ég er alfarið sammála því að nýtt hótel hjá Hörpunni myndi skyggja á hina fögru fjallsýn en ekki eingöngu það heldur einnig skyggja á Hörpuna okkar sem hefur verið okkur svo dýrkeypt. Engar nýbyggingar fyrir hótel í miðbænum! Betra samgöngukerfi þess í stað!