Frisbígolf er vinsæl, auðveld og ódýr leið til að stunda skemmtilega og holla útivist. Með uppsetningu aðstöðu fyrir frisbígolf í Öskjuhlíð bætist við nýr kostur til afþreyingar fyrir almenning á þessu fallega útivistarsvæði. Aðgangur að frisbígolfi á útivistarsvæðum í borginni er ókeypis og getur fólk á öllum aldri spilað þar sér til skemmtunar.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin er ekki tæk í kosningu í verkefninu Hverfið mitt 2018. Í Reykjavík eru nú sjö Frisbee golfvellir, og í samráði við Frisbeegolfsamband Íslands og Frisbeegolffélag Reykjavíkur hefur ekki verið talin þörf á fleiri slíkum völlum í Reykjavík að sinni. Áhersla verður frekar lögð á að viðhalda og betrumbæta núverandi frisbeegolfvelli í Reykjavík. Hér má sjá lista yfir þær hugmyndir sem verða til kosninga í verkefninu Hverfið mitt þann 17.- 30. október nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
Frabært rísandi sport sem hendar öllum aldri!! Um að gera að setja meir líf á þetta frábæra svæði
Leyfum Öskjuhlíðinni að vera náttúruparadís í miðri borg þar sem fólk á öllum aldri getur notið þess að vera í ómanngerðu umhverfi og þarf ekki að hafa áhyggjur af fljúgandi frisbídiskum. Það eru önnur svæði hentugri fyrir frisbígolf.
Ég hleyp og hjóla mikið í öskjuhlíðinni og væri til í að geta gert það án þess að fá frisbídisk í hausinn. Svæðið hentar líka illa hefði ég haldið vegna trjánna.
This content is created by the open source Your Priorities citizen engagement platform designed by the non profit Citizens Foundation