Flokka sorp, setja 2-3 tunnur við heimili borgarbúa

Í sveitarfélögum út á landi sem hafa farið þessa leið hefur a.m.k. helmingi minna sorp verið urðað. Það er hægt að selja hluta af því sorpi sem er flokkað og kostnaður við urðun sorps lækkar. Óskiljanlegt að það sé ekki þegar byrjað að flokka sorp í Reykjavík. Tímabært að Reykjavík verði umhverfisvæn borg og að stuðlað verði að umhverfisvitund borgarbúa.

Vert að benda á að núþegar er hægt að skipta út tunnum. Lækkar meira að segja sorphirðugjöldin.

Mér skilst að svona sorpflokkun standi til hjá Reykjavíkurborg og eigi að verða að raunveruleika á næstu tveimur árum. Þar á meðal sérflokkun lífræns sorps og úrvinnsla úr því í þar til gerðum moltum.

Eru þetta ekki rök með frekar en á móti?

Ég hef heyrt orðróm þess efnis að það eigi að koma á meiri endurvinnslu í haust EN að það eigi aðeins að fara hálfa leið og td. EKKI að endurvinna lífrænt. Ég er algjörlega á því að það eigi að ganga alla leið! Það kostar svo mikið að breyta svona að ég sé ekki tilganginn í að gera þetta í skrefum, það hlýtur að vera hagstæðast að gera þetta í einu lagi. Ég vil fá endurvinnslu eins og er á Stykkishólmi og á Sauðárkróki þar sem hægt er að endurvinna allt.

Eðlilegt væri að Reykjavík væri í forystu í flokkun sorps. Hið gagnstæða er staðreynd. Sorpflokkun er ekki kostnaðarauki. Verðum að venja okkur af neyslubrjálæðinu og hefja nýja nýtingarstefnu.

Það er tilgangslaust, tímafrekt og dýrt að flokka rusl. Þar að auki hefur lengi verið þróun í gangi erlendis með endurvinnslustöðvar sem sjá alfarið um að flokka venjulegt rusl. Af hverju ekki frekar eyða peningnum í að fjárfesta í nýrri endurvinnslustöð sem myndi sjá um að flokka ruslið fyrir okkur, svo tími, orka og peningur sparist.